അതെയതെ...
അങ്ങനെയെല്ലാമാണല്ലോ 
മഴയുള്ളപ്പോൾ നീയൊരു കുടയാകുന്നു
കുളിരുള്ളപ്പോൾ കാട്.
തീയുള്ളപ്പോൾ പുകയെന്ന ഉപമ,
പോയി പുല്ലുതിന്നു വരും മുൻപ്...
ഓരോ പുലരിക്കും ഒരു പൂക്കാലം
മഞ്ഞുള്ളപ്പോൾ മരം...
ഒറ്റ ശ്വാസത്തിൽ കൂട്ടം
തെറ്റിപൊയ ഉപമകളാണിവ..
അവ പോയി പുല്ലുതിന്നു വരും മുൻപ്...

----------------------------------------------------------

ഞങ്ങളുടെ കുട്ടിക്കാലത്തു നിങ്ങളീ പറയുന്ന അഡാറു പൂക്കളൊന്നും ഞങ്ങൾ കണ്ടിട്ടേയില്ല . നാല് നുള്ളു കാക്കപ്പൂവ്, തപ്പി പെറുക്കിയാൽ ഒരു കൈ തുമ്പപ്പൂവ്. പേരറിയാത്ത പലതരം ഇലകൾ.. കോളാമ്പിപ്പൂവ്. അവശ്യത്തിലധികം പൂച്ചവാൽ പൂവ്. പിന്നെ കളം നിറയ്ക്കുന്നത് ഈ ചോന്ന പൂവാണ്.. ഹനുമാൻ ജമന്തിയെന്നും ഹനുമാൻ കിരീടമെന്നുമെല്ലാം വിളിക്കും... അല്ലെങ്കിൽ തന്നെ പൂവുകൾക്കെന്തിന് പേരുകൾ... അല്ലേ! പൂവുകളെന്നല്ലാതെ 🌼🌻🌼🌻

-------------